Þakka þér fyrir, Dr. Jane Goodall

Við syrgjum andlát Dr. Jane Goodall og heiðrum minningu hennar með því að halda áfram starfi í anda þeirrar visku og vonar sem hún miðlaði.

Jane Goodall

Á Velsældarþinginu árið 2024 heiðraði Jane Goodall gesti þingsins með netávarpi. Sýn hennar hefur haft djúpstæð áhrif og veitir áfram innblástur í þeirri viðleitni að byggja upp réttlátari, heilbrigðari og sjálfbærari framtíð:

„Mikilvægast af öllu er að skapa nýtt hugarfar sem setur ekki verga landsframleiðslu þjóðar í forgang, heldur heilsu fólksins og náttúrunnar. Í raun snýst þetta um að efla velsæld og hamingju fólks.“

Þessi orð fanga kjarna þingsins: að færa áhersluna frá efnahagsvexti yfir í velsæld fólks og jarðar. Hún hvatti stjórnvöld, fyrirtæki og einstaklinga til að virða og vernda náttúruna og benti á að „stefna flestra stórfyrirtækja og stjórnvalda sé að sækjast eftir skammtímahagnaði eða persónulegum ávinningi á kostnað umhverfisins.“

Þegar við syrgjum andlát hennar höldum við áfram að vinna í anda hennar að framtíð þar sem velsæld fólks, dýra og jarðar er í brennidepli alls sem við gerum.

🔗 Horfðu á ávarp hennar frá Velsældarþinginu 2024