Mikilvæg tilkynning: grunsamlegir tölvupóstar sendir í nafni Velsældarþingsins

Okkur hefur borist ábending um grunsamlega tölvupósta í umferð þar sem nafn Velsældarþingsins 2026 er misnotað.

Í þessum skilaboðum kann að vera boðið upp á aðgang að þátttakenda- eða gestalistum sem sagðir eru tengjast viðburðinum. Við viljum taka skýrt fram að Velsældarþingið selur hvorki þátttakenda- né gestalista og ber því að sýna slíkum skilaboðum sérstaka varúð.

Athygli er vakin á því að opinber samskipti vegna Velsældarþingsins eru eingöngu send frá netföngum sem enda á annaðhvort @wellbeingeconomyforum.com eða @landlaeknir.is. Síðarnefnda lénið er opinbert lén embættis landlæknis sem kemur að skipulagningu viðburðarins.

Við hvetjum alla viðtakendur til að vera á varðbergi og forðast að eiga samskipti vegna grunsamlegra skilaboða. Sérstaklega bendum við á eftirfarandi:

• Athugið hvort netfang sendanda endi á @wellbeingeconomyforum.com eða @landlaeknir.is

• Gætið varúðar gagnvart lénum sem líkjast þeim réttu, stafsetningarvillum eða óvæntum viðskiptalegum erindum

• Svarið ekki óumbeðnum skilaboðum þar sem boðið er upp á gagnagrunna eða tengiliðalista þátttakenda

• Smellið ekki á tengla, opnið ekki viðhengi og innið ekki af hendi greiðslur sem byggja á slíkum tölvupóstum

• Ef vafi leikur á sannreynið skilaboðin í gegnum opinbera vefsíðu Velsældarþingsins

Við tökum misnotkun á nafni þingsins mjög alvarlega og kunnum að meta árvekni þeirra sem hafa bent okkur á þessi skilaboð.

Ef þú færð grunsamlegan tölvupóst þar sem nafn Velsældarþingsins er notað, vinsamlega hunsaðu hann og sannreyndu öll samskipti í gegnum opinberar upplýsingaleiðir okkar.